„Израел нема политика на изгладнување. Израел има политика на спречување на гладот“, се вели во соопштението од кабинетот на Нетанјаху, во кое се вели дека „единствените кои намерно се изгладнувани во Газа се израелските заложници“ кои ги држи Хамас.
Обединетите нации денеска прогласија глад во Газа, велејќи дека тој „можел да се избегне“ без „систематска опструкција од Израел“.
Но, извештајот на ОН „ги игнорира хуманитарните напори на Израел и систематската кражба на помош од Хамас“, тврди Нетанјаху, кој рече дека „токму овие кражби предизвикаа привремен недостиг, кој Израел го надмина благодарение на“ своите постапки.
