Во изјава од Белата куќа во присуство на американскиот претседател Доналд Трамп, Нетанјаху рече: „Во моментов работиме на друг договор за кој се надеваме дека ќе биде крунисан со успех и решени сме да ги извлечиме сите заложници“.
Нетанјаху, кој дојде во Вашингтон да разговара, меѓу другото, и за новите тарифи од 17 отсто наметнати од САД на Израел, му вети на Трамп дека Израел ќе ги елиминира своите царини и дефицитот што го има земјата во трговијата со САД.
„Ќе го елиминираме трговскиот дефицит со САД“, рече Нетанјаху.
Тој е првиот странски лидер што беше примен од американскиот претседател откако ги објави новите царини што предизвикаа негодување кај земјите и пад на вредноста на акциите ширум светот.
