Двајцата лидери, исто така, се очекува да разговараат за заложниците што ги држеше палестинската милитантна група Хамас, за потенцијалните тензии меѓу Израел и Турција во Сирија и за напорите за одвраќање на Иран.
Министерот за стратегиски прашања Рон Дермер, исто така, отпатува за Вашингтон и ќе учествува на состаноци со високи претставници на Белата куќа, потврдил за Тајмс оф Израел член на придружбата на премиерот Бенјамин Нетанјаху.
Нетанјаху се очекува да се сретне со Трамп, со специјалниот претставник на САД за Блискиот Исток Стив Виткоф и со министерот за трговија Хауард Лутник, изјави висок израелски функционер.
Пред средбата Нетанјаху-Трамп, Здружението на израелски производители објави анализа во која предупредува на огромен потенцијален удар врз економијата од новите американски царини.
Според документот, израелскиот извоз во САД ќе биде погоден со царини од 2,3 милијарди долари, што потенцијално ќе остави без работа повеќе од 20.000 луѓе.
