„Голем ден за Израел“, рече Нетанјаху на социјалната мрежа Икс.
Неговата изјава дојде кратко откако американскиот претседател Доналд Трамп објави дека Израел и палестинската група Хамас ја прифатиле првата фаза од мировниот план на САД за Газа.
With the approval of the first phase of the plan, all our hostages will be brought home. This is a diplomatic success and a national and moral victory for the State of Israel.
From the beginning, I made it clear: we will not rest until all our hostages return and all our goals…
— Benjamin Netanyahu – בנימין נתניהו (@netanyahu) October 8, 2025
Нетанјаху им се заблагодари на Трамп и неговиот тим за нивната посветеност на оваа мисија за ослободување на заложниците.
„Со Божја помош, ќе продолжиме да ги постигнуваме сите наши цели и да шириме мир со нашите соседи“, рече израелскиот премиер.
Тој нагласи дека со одобрувањето на првата фаза од планот, сите израелски заложници ќе бидат вратени дома, нарекувајќи го договорот дипломатски успех и национална и морална победа за Израел.
„Јасно ми беше од самиот почеток: нема да се смириме додека не се вратат сите наши заложници и додека не ги постигнеме сите наши цели“, додаде Нетанјаху. Тој му се заблагодари на Трамп за неговиот голем напор, лидерство, партнерство и непоколеблива посветеност на безбедноста на Израел и слободата на заложниците.
Реакции на израелските власти
Израелскиот министер за одбрана Израел Кац, исто така, им честиташе на Нетанјаху и Трамп за договорот, велејќи: „Им упатувам најтопли прегратки на семејствата на заложниците за очекуваното враќање на нивните најблиски, вклучувајќи ги војниците на ИДФ и паднатите херои што наскоро ќе бидат дома.“
Според палестинските власти, од октомври 2023 година, израелските напади во Газа убиле речиси 67.200 Палестинци, повеќето од нив жени и деца, а енклавата стана ненаселива.
