Би-би-си Персијан ја потврдило автентичноста на снимките што синоќа се појавија од неколку градови, на кои се гледа славје на граѓани.
Huge celebrations in the streets of Iran over Khamenei’s death, despite fighter jets maneuvering in the skies above. pic.twitter.com/yaI5MkBgdP
— مملکته (@mamlekate) February 28, 2026
На улиците на Исфахан во централниот дел на Иран луѓето извикуваа и трубеа со автомобилските сирени. Друга снимка прикажува собрани луѓе околу оган со огномет што го осветлува ноќното небо. Според извештаите, се славело и во Караџ, град недалеку од Техеран, а на прославите на улиците и во своите домови им се придружиле и семејствата на демонстрантите убиени за време на режимот.
ابراز شادی مردم #ایران در پی انتشار گزارشها از مرگ علی #خامنهای
شنبه ۹ اسفند #Iran pic.twitter.com/Ufq3E6Pi32— Vahid Online (@Vahid) February 28, 2026
Од друга страна, утрово улиците во голем дел од Иран се исполнети со сцени на јавно жалење на провладини собири.
Илјадници луѓе се собраа во центарот на Техеран за да му оддадат почит на ајатолахот, кој владееше со Иран од 1989 година. Ужалените граѓани, облечени во црно и со фотографии од поранешниот водач, извикуваа „Смрт за Америка“ и „Смрт за Израел“.
Иранските државни медиуми известија дека во земјата се прогласени 40 дена јавна жалост и седум дена државни празници.
