Москва последен пат ја испрати сондата Луна-24 на Месечината пред речиси половина век, поточно во 1976 година кога Русија сè уште беше дел од Советскиот Сојуз. „Луна-25 го продолжува својот лет кон природниот сателит на Земјата, а сите системи на автоматската станица работат исправно, комуникацијата со неа е стабилна, енергетскиот биланс е позитивен“, се наведува во соопштението на Роскосмос.
Луна-25 е дел од руската лунарна програма со која е предвидена изградба на вселенска станица на Месечината до 2040 година. Ова летало треба да придонесе на што поефикасен развој на технологија за меко слетување. Русија ќе се обиде да стане првата нација која ќе реализира меко слетување на јужниот пол на Месечината, област за која се верува дека има „џебови“ воден мраз.
Таму ќе се извршат научни истражувања со кои, освен проучувањето на површинските слоеви на областа на јужниот пол на Месечината, треба да се проучи и неговата екосфера.
