Новиков за Нешнал дифенс кажа дека сериското производство на С-500 е организирано со користење на најновите достигнувања на домашната наука и технологија.
Тој кажа и дека борбените можности на тој систем значително ги надминуваат капацитетите на претходните противвоздушно-ракетни системи. Истакна дека С-500 ќе стане основаат на рускиот воздушно-вселенски одбранбен систем и дека ќе ѝ биде испорачан на војската во поставениот рок.
С-500 „Прометеј“ припаѓа на најновата генерација ПВО системи земја-воздух. Станува збор за универзален комплекс за пресретнување на големи далечини и на големи висини, со зголемени можности за противракетна одбрана.
Радиусот на уништување на системот С-500 е околу 600 километри.
