Организаторите бараат оставка од премиерот Еди Рама и од вицепремиерката Белинда Балуку, која е и министерка за инфраструктура и енергетика. Демократската партија наведува дека причината за протестот се корупциските случаи. Демонстрантите истакнуваат дека Балуку е обвинета за кршење на рамноправноста на учесниците во тендери и јавни аукции. Затоа Специјалното обвинителство за борба против корупцијата и организираниот криминал (СПАК) побара од парламентот да го одземе нејзиниот пратенички имунитет за да се овозможи нејзино апсење.
🚨 Anti-government protest turns tense in Albania
◼️ Thousands gather in capital Tirana outside Prime Ministry building following call by opposition Democratic Party
◼️ Protesters demand resignation of Prime Minister Edi Rama
◼️ Molotov cocktails thrown at Prime Ministry… pic.twitter.com/xFmq8EM4cz
— Anadolu English (@anadoluagency) December 22, 2025
Претседателот на Демократската партија Сали Бериша се обрати на толпата, велејќи дека опозицијата исполнила неколку големи обврски кон граѓаните. „Демократската партија останува решена да соработува со секој фактор, со секој граѓанин и со секоја политичка сила на најширокиот фронт што Албанија некогаш го видела. Имајте доверба дека, исто како што ја спасивме опозицијата кога сакаа да ја уништат, така ќе ја спасиме и Албанија, ќе ги спасиме Албанците и ќе им го дадеме местото што го заслужуваат“, кажа Бериша. Тој ги повика сите опозициски сили да се обединат во борбата.
По говорот на Бериша, ситуацијата ескалираше. Избувнаа судири меѓу демонстрантите и полицијата, а неколку Молотови коктели беа фрлени врз зградата на владата. Накратко избувна пожар пред зградата, а во немирите беа повредени неколку лица.
Демократската партија и другите опозициски партии најавија дека ќе продолжат со протестите во наредните недели.
