Необичниот објект е всушност мала, светла карпа во облик на ветер што роверот ја пронајде во кратерот Гејл на 24 јули. Иако наликува на морски организми кои градат корални гребени на Земјата, карпата е со дијаметар од околу 2,5 сантиметри, според црно-белата фотографија направена од камерата со висока резолуција на „Кјуриосити“.
„Кјуриосити пронајде многу од овие карпи, кои беа формирани со дејството на древна вода, а потоа обликувани од милијарди години песок донесен од ветерот“, соопшти НАСА.
Ваквите формации на Марс почнале да се формираат пред милијарди години, додека на планетата сè уште имало вода. Оваа вода, полна со растворени минерали, се пробивала низ ситни пукнатини во карпите и постепено ги таложела минералите, формирајќи цврсти „вени“ во карпите.
Разгранувањето што го гледаме денес е резултат на ерозија – ветровите полни со песок во текот на милиони години го истрошија околниот материјал, оставајќи ги овие необични структури.
