Мажот е осомничен дека во четвртокот попладне, во близина на плоштадот Дам, избодел пет лица користејќи повеќе ножеви за време на нападот. Уапсен е набрзо по инцидентот со помош на минувачи.
Мажот, кој според полициските информации, во средата се пријавил во еден од хотелите во Амстердам, на 1 април ќе биде изведен поред судија кој ќе одлучи за неговото понатамошно задржување во притвор. Полицијата сè уште не го утврдила мотивот на нападот и соопшти дека истрагата е во тек.
Жртви се дваесет и шестгодишен Полјак, седумдесет и тригодишна Белгијка, деветнаесетгодишна девојка од Амстердам и 67-годишна жена и 69-годишен маж од САД. Полјакот е пуштен од болница, а останатите жртви се хоспитализирани, но стабилни, наведе полицијата.
Напаѓачот го совладал турист, објави вчера холандската полиција, нарекувајќи ја интервенцијата на мажот херојска. Холандски Телеграф пишува дека мажот извршил таканаречено граѓанско апсење, што, според амстердамската полиција е дозволено ако граѓанинот сведочи на злосторство. „Ако го фатите осомничениот на дело, можете да го задржите додека на пристигне полицијата“, објаснија тие, истакнувајќи дека тоа не се случува често.
A true hero emerged today in Amsterdam when a brave bystander tackled and held down a suspect who had just stabbed five people near Dam Square.
Despite the chaos, this individual restrained the attacker until police arrived, likely preventing more harm. pic.twitter.com/8EahxiID8b
— A3N 🌎 (@swee52767) March 27, 2025
