Прекинот дополнително го продлабочува глобалниот недостиг предизвикан од затворањето на Ормускиот теснец од страна на Техеран поради војната на Соединетите Американски Држави и Израел против Иран. Гувернерот на Ленинградската област, Александар Дрозденко, изјави дека по нападот со дронови во Приморск, неколку резервоари за гориво се запалиле, но не го спомна прекинот на извозот на нафта.
Сè уште не се знае дали пристаништето Уст-Луга претрпело некаква штета. Трањснефт, рускиот гигант за гасоводи кој управува со обете пристаништа, не одговорил на барањата за коментар.
💥 Russia: Massive Ukrainian drone strikes blew up vast areas of the Port of Primorsk, Russia’s largest oil export terminal that processes 1.0-1.5 million barrels/day – 100 million tons of oil & oil products per year.
1,000km from Ukraine. https://t.co/ic2phlp6SR pic.twitter.com/m5iH5HpZ9G— Igor Sushko (@igorsushko) March 23, 2026
Приморск, кој може да извезува повеќе од еден милион барели сирова нафта дневно, е важен извозен центар за руската нафта од Урал и висококвалитетен дизел. Според изворите, минатата година Уст-Луга извезол 32,9 милиони тони нафтени деривати, а Приморск 16,8 милиони тони. Уст-Луга обработува околу 700.000 барели нафта дневно.
Украина редовно ги напаѓа руските извозни нафтени капацитети и рафинерии за да ја ослаби економијата на Русија поради воениот конфликт, кој сега е во четвртата година. Киев се нема огласено нападите врз руските балтички пристаништа.
🔥😼 Primorsk, a large-scale fire in the port continues after the Defense Forces attack. pic.twitter.com/1r3FzB8YTR
— MAKS 25 🇺🇦👀 (@Maks_NAFO_FELLA) March 23, 2026
Извозот на нафта беше прекинат и кога Приморск беше нападнат во септември. Овој месец, нападите со беспилотни летала влијаеле и на извозот на нафта од Новоросијск, најголемото руско пристаниште на Црно Море.
Дрозденко објави дека во последните напади над регионот Ленинград биле соборени 35 беспилотни летала, додека руското Министерство за одбрана објави дека вкупно 249 беспилотни летала биле пресретнати и уништени над Русија во текот на ноќта.
