Повеќе од 80 луѓе паднале во водата во провинцијата Гуиџу вчера попладне, објави државната телевизија ЦЦТВ.
Бродовите се превртеле кога ненадеен дожд и град го погодија горниот тек на реката Ву, притока на најдолгата река во Кина, Јангце. На видеото што го објавија државните медиуми се гледа како маж му помага на едно лице, додека во нивна близина „плута“ превртен брод.
Новинската агенција Синхуа објави дека 74 лица се спасени во несреќата. Властите испратиле 70 лица во болница на лекување поради „состојби што не се опасни по живот“, објавија државните медиуми.
Распоредени се речиси 500 спасувачи, а кинескиот претседател Си Џинпинг им наредил на провинциските власти „да направат сѐ што е можно“, објави Синхуа. Си, исто така, рече дека властите треба да ги зајакнат безбедносните мерки за да го спречат зголемениот број несреќи на туристичките атракции и главните јавни места.
