ХХС планира да ги консолидира 28-те постоечки агенции во 15, вклучувајќи ја и новата Агенција за здрава Америка. Исто така, бројот на подрачните канцеларии е намален од 10 на 5. Со овие мерки треба да се заштедат 1,8 милијарди долари годишно.
Министерот Роберт Кенеди Џуниор посочи дека реформата не е поврзана само со намалувањето на бирократијата, туку и со стратегиската ориентација кон борбата против хроничните болести – преку здрава исхрана, чиста вода и намалување на штетните ефекти од животната средина.
Најголемите кастрења ќе бидат во:
Администрацијата за храна и лекови (ФДА): 3.500 работни места, без влијание на инспекциите и одобрувањето лекови и храна.
Центрите за контрола и превенција на болести (ЦДЦ): 2.400 работни места.
Национален здравствен институт (НИХ): 1.200 работни места преку централизација на одделот.
Центрите за Медикер и Медикеид услуги: 300 вработувања.
Новата Агенција за здрава Америка ќе обедини неколку постоечки тела, а ќе се фокусира на примарната здравствена заштита, менталното здравје, здравјето на мајките и децата, заштитата на животната средина и борбата против ХИВ.
Предвидени се и нови канцеларии: помошник министер за надзор и нова Канцеларија за стратегија, со што ќе се подобри ефективноста на здравствените политики.
Отпуштањата се очекува да стапат во сила на 27 мај. Првите известувања до вработените може да пристигнат веќе на крајот на неделата, а отпуштањата најмногу ќе ги погодат административните работни места и улогите што повеќекратно се преклопуваат.
Синдикатот на вработените бил повикан на преговори за спроведување на кратењата.
