„Хрватскиот парламент ќе мора да одлучи за признавањето на Палестина, а не владата. Ако тоа се случи, јас сакам признавање од хрватскиот парламент. А тоа може да биде само по предлог на владата“, кажа Милановиќ.
Тој потсети и на неодамнешното гласање во Обединетите нации. „Пред неколку дена, имаше гласање во ОН каде што Хрватска конечно – од позицијата на која бевме против прекин на огнот пред две години – сфати и прифати дека решението за две држави е единственото нормално решение.“
Милановиќ во постот остро ја критикува израелската влада. „Израел и неговото раководство се целосно одговорни за ѕверските воени злосторства што ги извршуваат во Газа на целен, намерен и планиран начин.“
Тој додаде дека веќе предупредил за израелските акции во 2023 година. „По ирскиот премиер, јас бев првиот – и неколку недели единствениот во светот – што кажа дека Израел почнал да прави ужасни работи и дека повеќе нема да ја имаат мојата толеранција и сочувство. Гледате каде стигнавме.“
