Немесио Осегера Сервантес, попознат како Ел Менчо, најбараниот човек во Мексико и водач на озлогласениот наркокартел Халиско нова генерација (ЦЈНГ), беше убиен за време на безбедносна операција. Мексиканскиот министер за одбрана потврди дека Ел Менчо починал вчера од последиците од тешките повреди добиени во судирите со војската, додека го превезувале во главниот град Сиудад де Мехико, пишува Би-би-си.
Во судирите во градот Тапалпа, во централно-западната држава Халиско, убиени се и четворица членови на картелот, а ранети се тројца припадници на војската.
Операцијата е спроведена со разузнавачка помош од Соединетите Американски Држави. Како одговор на убиството на својот водач, ЦЈНГ започна бран насилство во осум мексикански држави, палејќи автомобили, поставувајќи блокади на патиштата и напаѓајќи ги безбедносните сили.
Puerto Vallarta is a war-zone, many Canadians and tourists are trapped in their resorts and villas as CJNG cartel and security forces battle on the streets. pic.twitter.com/kLqNwjCjiZ
— Toronto Crime Watch (@CrimewatchTO) February 22, 2026
Американскиот Стејт департмент издаде безбедносно предупредување за американските граѓани, советувајќи им да останат во затворени простории во државите Халиско и Тамаулипас, како и во некои делови од Мичоакан, Гереро и Нуево Леон. Мексиканската претседателка Клаудија Шејнбаум Пардо ги повика граѓаните на смиреност. „Во поголем дел од земјата активностите се одвиваат нормално“, порача таа преку социјалната мрежа Икс.
Multiple vehicles burn in the parking lot of a Costco in Puerto Vallarta, as the CJNG Cartel continues its rampage throughout the city and across the Mexican state of Jalisco. pic.twitter.com/z0iHsGItMA
— OSINTdefender (@sentdefender) February 22, 2026
Ел Менчо, 59-годишен поранешен полицаец, создаде огромна криминална организација одговорна за шверц на огромни количества кокаин, метамфетамин и фентанил во Соединетите Американски Држави. Американската влада нудеше награда од 15 милиони долари за информации што би довеле до негово апсење.
Мексиканското министерство за одбрана соопшти дека операцијата ја „планирале и спровеле“ специјални единици, со поддршка на воздухопловните сили и Националната гарда. За време на акцијата се запленети повеќе оклопни возила и оружје, вклучително и ракетни фрлачи.
Video showing a CJNG attack against a Mexican National Guard unit in San Isidro. pic.twitter.com/X7Ilm2Giu6
— All Source News (@All_Source_News) February 22, 2026
Еден член на картелот Халиско нова генерација (ЦЈНГ) на Осегера изјави за Ројтерс дека пожарите и пукањето се одмазда за неговото убиство и предупреди дека би можело да дојде до нов бран насилство додека различни групи се борат за контрола над картелот.
„Нападите се изведени како одмазда за смртта на водачот, првично насочени против властите и од незадоволство“, рекол изворот, кој сакал да остане анонимен. „Но потоа следуваат и внатрешни убиства, бидејќи групите почнуваат да се борат за превласт“.
Хаос во Халиско и други држави
Очевидци забележале столбови чад над неколку градови, вклучително и Гвадалахара, еден од градовите-домаќини на претстојното Светско првенство во фудбал. Во туристичкото одморалиште Пуерто Ваљарта на брегот на Халиско, се проценува дека илјадници туристи останале заробени во хотелите поради немирите. Во текот на вчерашниот ден пристигнувале извештаи за вооружени напаѓачи на улиците на Халиско и други држави.
Гувернерот на Халиско, Пабло Лемус Наваро, преку социјалните мрежи им препорача на жителите да ги почитуваат предупредувањата и да останат во своите домови, додавајќи дека јавниот превоз во државата е запрен. Авиокомпаниите Јунајтед ерлајнс, Американ ерлајнс и Ер Канада ги откажаа летовите за Пуерто Ваљарта и Гвадалахара, додека летот на Делта од Атланта беше пренасочен.
Поранешниот американски амбасадор во Мексико Кристофер Ландау го опиша Ел Менчо како „еден од најкрвавите и најнемилосрдни наркобосови“, а неговата смрт ја нарече „огромна работа за Мексико, САД, Латинска Америка и светот“. Мајк Вигил, поранешен шеф на меѓународните операции на американската агенција за борба против дрогата (ДЕА), ја оцени операцијата како „една од најзначајните акции преземени во историјата на борбата против трговијата со дрога“.
Убиството на Ел Менчо претставува важна победа за мексиканската претседателка во борбата против наркокартелите. Овој успех би можел да го зајакне и нејзиниот однос со американскиот претседател Доналд Трамп, кој претходно се закануваше со директни напади врз картелите на мексиканска територија.
🚨🇲🇽 BREAKING: The Mexican military is battling a heavily armed CJNG cartel, widely considered the most powerful and dangerous criminal organization in Mexico.pic.twitter.com/apR4d7bdix
— Jackson Hinkle 🇺🇸 (@jacksonhinklle) February 23, 2026
Минатиот јануари Трамп изјави дека по нападите врз бродови за шверц на дрога „сега ќе почне да удира и на копно“, додавајќи дека „картелите го водат Мексико“. Претседателката Шејнбаум тогаш одговори дека распоредувањето американски трупи преку границата „не е опција“. Меѓутоа, ако безбедносните сили не успеат брзо да ја стават ситуацијата под контрола, победата на мексиканската администрација би можела да остане во сенка на насилниот одговор на картелот.
PANIC AT MEXICAN #GUADALAJARA INTL AIRPORT#Mexico 🇲🇽 pic.twitter.com/llFmcjfXcS
— Mahalaxmi Ramanathan (@MahalaxmiRaman) February 23, 2026
Картелот Халиско нова генерација (ЦЈНГ) стекна озлогласена репутација со низа брутални напади врз безбедносните сили и функционерите. Меѓу другото, со ракетен фрлач урнаа воен хеликоптер, убија десетици државни службеници и ги обесуваа телата на своите жртви од мостовите за да ги заплашат ривалите.
🇲🇽 Mexican government regains control over the city of Puerto Vallarta, Jalisco.
The cartel cannot fight a conventional war with helicopters, tanks and such … so, after being beaten up a bit, retreats. https://t.co/0ONiCfv2FD pic.twitter.com/yIrEMpYTe1
— Lord Bebo (@MyLordBebo) February 22, 2026
Картелот, основан во Халиско во 2010 година, денес дејствува низ цело Мексико. Американската ДЕА го смета за главен ривал на моќниот картел Синалоа и проценува дека е присутен во сите 50 американски држави. ЦЈНГ е исто така клучен снабдувач со дрога за САД, заработувајќи милијарди од производството на фентанил.
Според податоците на американската Царинска и гранична служба објавени во јуни 2025 година, од октомври 2024 во САД се запленети 4182 килограми фентанил. Речиси целото количество, дури 96 проценти, беше пресретнато на југозападната граница со Мексико. Помалку од еден процент е запленет на северната граница со Канада, додека остатокот пристигнал по морски пат или бил откриен на други контролни точки.
BREAKING NEWS: Things in Mexico are escalating as the cartel is attacking airports, blocking roads, and even set a Costco on fire after the government killed “El Mencho” the head of the biggest cartel.
If you are in Jalisco or Puerto Vallarta it is important to shelter in place. pic.twitter.com/ikOb0g5vgv
— Power to the People ☭🕊 (@ProudSocialist) February 22, 2026
