„Соединетите Американски Држави нема да дојдат во Мексико со војска. Соработуваме, но нема да има инвазија, тоа е апсолутно исклучено. Тоа не е дел од никаков договор, далеку од тоа“, изјави Шајнбаум.
Претходно денеска весникот Њујорк тајмс објави дека американскиот претседател Доналд Трамп потпишал наредба до Пентагон со која иницира употреба на воена сила против одредени латиноамерикански нарко картели, пренесува Ројтерс.
Претседателката Шајнбаум изјави дека мексиканската влада била информирана за одлуката, но нагласи дека наредбата не предвидува распоредување на американски трупи на мексиканска територија.
