Според него, средбата се одржала мирно и без закани или ултиматуми, а обновен е „полн механизам за состаноци меѓу Русија и САД на највисоко ниво“.
Медведев тврди дека рускиот претседател лично и детално му ги презентирал на американскиот претседател условите на Русија за прекин на војната во Украина. По речиси тричасовниот разговор, како што наведува, Трамп се согласил засега да не го зголемува притисокот врз Русија.
Тој особено истакна дека, од руски аспект, средбата покажала дека преговорите се можни дури и без никакви предуслови и паралелно со продолжувањето на она што Москва го нарекува „специјална воена операција“.
„Клучно е двете страни директно да ја префрлат одговорноста за идниот исход од преговорите за прекин на непријателствата врз Киев и Европа“, порача Медведев.
