„Антируската военоподбуцнувачка „коалиција на спремните“ не успеа да го надмудри американскиот претседател на неговата домашна територија. Европа му се заблагодари и се повлече. Прашањето е каква мелодија ќе свири киевскиот кловн за гаранции и територии дома кога ќе се пресоблече во зелената униформа“, порача Медведев.
The anti-Russian warmongering Coalition of the Willing failed to outplay @POTUS on his turf. Europe thanked & sucked up to him. The question is which tune the Kiev clown will play about guarantees & territories back home, once he’s put on his green military uniform again.
— Dmitry Medvedev (@MedvedevRussiaE) August 19, 2025
Вчера, американскиот претседател Доналд Трамп се сретна со украинскиот претседател Володимир Зеленски во Вашингтон, а ги прими и лидерите на европските држави.
Францускиот претседател Емануел Макрон, британскиот премиер Кир Стармер, германскиот канцелар Фридрих Мерц, италијанската премиерка Џорџа Мелони, финскиот претседател Александар Стуб, претседателката на Европската комисија Урсула фон дер Лаен и генералниот секретар на НАТО Марк Руте пристигнаа во Белата куќа заедно со Зеленски. Трамп истакна еден ден претходно дека ова е прв пат во историјата Белата куќа да прими толку многу европски лидери.
