Трамп најави дека Вашингтон ќе воведе царини од 10 отсто на увозот од Франција, Шведска, Данска, Норвешка, Германија, Обединетото Кралство, Холандија и Финска, доколку Соединетите Американски Држави не постигнат договор за купување на Гренланд. Тој се закани дека ќе го зголеми притисокот „на еден или друг начин“.
Според најавата, царинските давачки ќе стапат во сила на 1 февруари, а од 1 јуни ќе се зголемат на 25 отсто. Заканата доаѓа само неколку дена откако европските сили од Франција, Германија и други земји почнаа да пристигнуваат во Гренланд за воени вежби.
„Трансатлантската алијанса е готова“, напиша Дмитриев на социјалната мрежа Икс, повикувајќи ги европските лидери да не го „провоцираат Трамп“, а се осврна и на претседателката на Европската комисија, Урсула фон дер Лаен.
Поранешниот руски претседател Дмитриј Медведев, познат по своите провокативни изјави, исто така ја поздрави реториката на Трамп, оценувајќи ја како доказ за продлабочување на поделбите во рамките на НАТО.
„САД се подготвуваат да го нападнат Гренланд, избирајќи го самиот остров пред некаков вид атлантска солидарност“, кажа Медведев. Тој додаде дека европските земји ќе бидат „казнети со царини“ затоа што се потпираат на американска заштита.
„Америка повторно голема = Данска повторно мала = Европа повторно сиромашна. Ви легна ли конечна идејата, идиоти?“, праша поранешниот руски претседател на социјалната мрежа Икс.
Make America Great Again (MAGA) = Make Danmark Small Again (MDSA) = Make Europe Poor Again (MEPA). Has this idea finally sunk in, dimwits?
— Dmitry Medvedev (@MedvedevRussiaE) January 18, 2026
Медведев претходно го доведе во прашање западното единство и го повика Трамп брзо да го анектира Гренланд, што го одразува интересот на Москва да ги искористи разликите меѓу САД и нивните сојузници.
Гренланд, со околу 56.000 жители, е дом на американска воена база, а неговата стратегиска важност расте како што се интензивира конкуренцијата на Арктикот.
Откако Трамп ги повтори своите закани, неколку земји од Европската Унија јавно ја поддржаа Данска, што укажува на загриженоста во Европа за можните последици за кохезијата на НАТО.
Трамп тврди дека НАТО ќе стане „посилно и поефикасно“ ако Гренланд е под контрола на САД, но европските лидери го отфрлија тоа тврдење.
Кипар, кој моментално претседава со Советот на ЕУ, објави дека амбасадорите на земјите-членки ќе одржат итен состанок на 18 јануари за да ја проценат ситуацијата и да разгледаат заеднички одговор.
