Американските претставници минатата недела ги информираа европските дипломати за одлуката за прекин на американското финансирање за обука и опремување на војската на источноевропските земји, објави Фајненшл тајмс.
Според Вашингтон пост, помошта се проценува на неколку стотици милиони долари.
Официјален претставник на Белата куќа одби да потврди детали за одлуката, но рече дека потегот бил „координиран со европските земји“ во согласност со извршната наредба потпишана од Трамп во јануари за преиспитување на американската странска помош.
Од јануари, американскиот претседател е во поблизок контакт со рускиот претседател Владимир Путин, обидувајќи се да ги запре борбите во Украина, но нема конкретен напредок.
Во почетокот на јули, владата во Вашингтон неочекувано објави дека престанала да му испорачува одредено оружје на Киев, официјално поради загриженост за исцрпување на американските залихи на муниција.
Четири месеци претходно, Трамп нареди „пауза“ на американската воена помош за Украина, која е во војна со Русија.
