Авионот се урна во местото Ацано Мела, во близина на раскрсницата Корда Моле, кој ги поврзува автопатите А4 и А21. По неколку часа, властите успеаја да ги идентификуваат жртвите. Станува збор за 75-годишен маж од Милано и неговата 60-годишна партнерка. Според достапните информации, авионот полетал од Пјаченца.
Во несреќата индиректно учествувале и двајца возачи на автомобили. Авионот се запалил кога удрил во земјата, а возачите во тој момент минувале покрај местото на несреќата и поминале со своите возила низ пламенот.
Видео од падот на авионот е споделено на социјалните мрежи.
✈️🔥 A plane crashed onto a busy highway in Italy — several cars passed through a wall of fire
According to Brescia Today, the cause of the crash remains unknown.
On board were a 75-year-old man and a 60-year-old woman. They both died. pic.twitter.com/65JdtqyS0D
— NEXTA (@nexta_tv) July 23, 2025
Еден од возачите, 56-годишен маж, бил превентивно однесен во болницата Полиамбуланца во Бреша, иако се чини дека немал никакви повреди. Другиот возач, 49-годишен маж, бил прегледан на местото на настанот и не му била потребна хоспитализација.
За да се утврдат сите околности што довеле до несреќата, обвинителството во Бреша побарало помош од миланската воздушна полиција. Во тек е истрага, со цел да се разјасни точната динамика и причината за оваа трагична несреќа.
