Макрон потврди и дека „сите страни во парницата имаат право на жалба“, велат извори од владиниот состанок.
Судовите веќе укажаа дека жалбениот процес би можел да се одржи во временските рокови во кои лидерката на Национален собир (РН), главната француска крајнодесничарска партија, сè уште би можела да се кандидира на претседателските избори во 2027 година.
Марин ле Пен во понеделникот на првостепениот процес во случајот за проневера на европски пари во корист на нејзината партија на итна петгодишна забрана за вршење функција, што, како што стојат работите, ја спречува да се кандидира за француски претседател за две години.
Ле Пен и нејзината партија ја осудија пресудата како „демократски скандал“, „мешање на судиите“ и маневри на „системот“.
Судијата во случајот е под полициска заштита и на работа и дома откако се соочи со смртни закани.
Домашната адреса на Бенедикте де Пертуис, претседателка на тричлената комисија што ја прогласи Ле Пен за виновна, беше објавена на интернет откако таа ја изрече пресудата во понеделникот, рекол извор.
Де Пертуис добиваше закани и на социјалните мрежи, а нејзината фотографија беше насекаде низ социјалната мрежа Икс и на страниците на крајната десница.
