Американскиот претседател, кој би сакал да ѝ стави крај на војната во Украина, за својот руски колега Владимир Путин рече дека е „комплетно полуден“.
„Претседателот Трамп сфати дека кога претседателот Путин по телефон рекол дека е подготвен за мир или кога им кажа на своите пратеници дека е подготвен за мир, всушност лажел“, изјави Макрон пред новинарите во виетнамската престолнина Ханој.
„Во последните неколку часа повторно го видовме гневот на Доналд Трамп. Тоа е еден вид нетрпение и се надевам дека ќе се претвори во дела“, додаде тој.
„Во неколку наврати“ во минатото, американскиот лидер „ги осуди нападите“, рече Макрон. „Се надевам дека негодувањето што го изрази, а кое го споделуваме со него, ќе се трансформира во способност на САД, заедно со Европејците, да му се заканат на Путин со сосема поинаков и многу посериозен пакет санкции, што ќе ни овозможи да ја одвратиме Русија и конечно да го завршиме овој конфликт. Тука е во прашање кредибилитетот на САД“, рече Макрон, додавајќи дека „разговарал“ за ова со Трамп.
