„Вчерашниот напад врз патнички воз во Харковскиот регион е неприфатлив. Франција остро ги осудува руските напади врз цивили и енергетска инфраструктура. Соочени со итноста, се мобилизираме. По состанокот на Г7+, на кој Франција беше копретседател, генератори ќе бидат испратени во Украина за да му помогнат на населението да ја преброди зимата“, рече Макрон на платформата за социјални мрежи Икс.
Неговата изјава следеше по телефонскиот разговор со украинскиот претседател Володимир Зеленски.
„Ставот на Франција е јасен: ќе ја поддржуваме Украина колку што е потребно за да се одбрани и да ја победи агресијата предводена од Русија. Украина може да смета и на Франција во рамките на Коалицијата на спремните. Продолжуваме да работиме на создавање услови за праведен и траен мир што ја гарантира безбедноста на Украина и Европа“, рече Макрон.
J’ai échangé à l’instant avec le Président @ZelenskyyUa.
L’attaque d’hier contre un train de passagers dans la région de Kharkiv est inacceptable.
La France condamne avec la plus grande fermeté les frappes russes contre les civils et contre les infrastructures énergétiques.…
— Emmanuel Macron (@EmmanuelMacron) January 28, 2026
Тој додаде дека европските лидери се согласиле целосно да бидат вклучени во дискусиите што ги засегаат во контекст на тековните мировни преговори.
„Франција останува решена да го зголеми притисокот врз Русија сè додека таа избегнува мир. Работиме на нови санкции на европско ниво и ќе продолжиме со нашите напори за онеспособување на флотата во сенка“, додаде Макрон.
