„Не ги потценуваме изјавите за Гренланд“, рече Макрон, а пренесе портпаролката на владата Мод Брежон. „Кога би бил загрозен суверенитетот на некоја европска земја и сојузник, последиците од тоа би биле невидени. Франција многу внимателно ја следи ситуацијата и ќе дејствува целосно солидарно со Данска и со нејзиниот суверенитет“, додаде тој.
Претходно во текот на денот, претседателката на Европската комисија, Урсула фон дер Лаен, изјави дека меѓу Европската Унија и Гренланд постои силна врска и дека жителите на Гренланд можат да сметаат на поддршката од Европската Унија.
Министрите за надворешни работи на Данска и на Гренланд денес ќе се сретнат во Белата куќа со американскиот потпретседател Џеј Ди Венс, по повеќенеделните закани на претседателот Доналд Трамп кон Гренланд, автономна територија во рамките на Данска.
