Тројца маскирани мажи провалиле утрово во Лувр во Париз, еден од најпознатите музеи во светот, пренесуваат француските медиуми.
Крадците наводно избегале со скутери со девет парчиња накит.
Наводно, тие користеле надворешен лифт што се користи за реновирање за да стигнат до галеријата Аполо, која се наоѓа на страната на музејот кон реката Сена, и скршиле прозорци за да влезат, пренесува Би-би-Си.
Во таа луксузна просторија се чуваат остатоци од францускиот кралски накит.
Канцеларијата на јавниот обвинител во Париз потврди дека е започната истрага поради сомнение за „организирана кражба и злосторничко здружување за извршување кривично дело“.
Обвинителството потврдува дека во Лувр се случила „кражба на накит“ и дека истрагата ја води специјална служба која се бори против нелегалната трговија со културни добра.
Тие рекоа дека штетата се проценува и дека е во тек истрага.
„Нема повредени“, напиша Рашида Дати на социјалните мрежи. „Се наоѓам на местото на настанот, заедно со тимовите на музејот и полицијата. Истражувањето е во тек.“
Security and members of the public locked inside the Louvre after its robbery today #louvre #paris #robbery pic.twitter.com/ai6v4htlmy
— tom (@whatyouthinktom) October 19, 2025
Музејот Лувр објави на својот официјален профил на Икс дека „денес ќе остане затворен од исклучителни причини“.
Сè уште не е официјално потврдено дали и што евентуално е украдено од музејот.
