Тој тврди дека таму имало сè, „и договори и пари што биле платени, вклучувајќи луѓе во Венецуела, и војници и цивили“.
Лукашенко кажа и дека на сопругата на Николас Мадуро ѝ било понудено да остане во Венецуела, но таа одбила, избирајќи да биде со својот сопруг. Тој истакна дека сè што Американците сакале можело да се направи без киднапирање на Мадуро.
Соединетите Американски Држави на 3 јануари нападнаа цивилни и воени цели во Венецуела и насилно ги изнесоа претседателот Николас Мадуро и неговата сопруга Силија Флорес од земјата.
Тие беа однесени во САД и задржани во притворен центар во Бруклин во Њујорк. Мадуро и Флорес се појавија пред Федералниот суд за Јужниот округ на Њујорк на 5 јануари. Американските власти ги обвинуваат за вмешаност во трговија со дрога, а тие се изјаснија за невини.
