Билатералната средба се одржа пред учеството на Лавров на состанокот на министрите за надворешни работи на земјите од Шангајската организација за соработка денес во Тјанџин.
Целта на организацијата е да дејствува како противтежа на западните организации и да ја зајакне соработката по политички, безбедносни и трговски прашања.
На средбата меѓу Лавров и Си беше разговарано и за подготовките за посетата на рускиот претседател Владимир Путин на Кина, по повод следниот самит на Шангајската организација за соработка, соопшти Москва.
Лавров и кинескиот министер за надворешни работи Ванг Ји во неделата разговараа за украинското прашање и „односите со Соединетите Американски Држави“.
Кина, дипломатски и економски сојузник на Русија, никогаш не го осуди рускиот напад врз Украина, ниту повика на повлекување на руските трупи.
Сепак, Пекинг редовно повикува на прекин на огнот и ги обвинува западните земји за поттикнување на конфликтот со вооружување на украинската армија.
Шангајската организација за соработка обединува 10 земји, меѓу кои Кина, Русија, Иран, Индија и Пакистан.
