„Тоа се некои необучени, неспособни функционери кои не гледаат во иднината и не можат да го разберат денешниот координатен систем“, кажа Песков. Тој додаде дека поради тоа страда целиот систем на меѓународни односи. Тој истакна дека Европската Унија премина од замислена зависност од руската нафта и гас во зависност од Соединетите Американски Држави.
Песков беше особено критичен кон Калас, поранешната естонска премиерка. „Никогаш нема да разговараме за ништо со неа, а нема да разговараат ниту со Американците“, кажа тој, додавајќи дека Москва ќе почека додека таа да ја напушти функцијата. Песков ова го изјави по разговорите меѓу украинските и руските претставници, кои со присуство на американски посредници се одржаа во петокот и саботата во Обединетите Арапски Емирати.
