„Имаме проблем во Белград“, кажа Кос по средбата со австриската министерка за надворешни работи Беате Мајнл Рајзингер во Виена.
„Кога членовите на Европскиот парламент се нарекуваат олош, тоа открива сомнително разбирање на демократијата. Изјавите на претседателот Вучиќ и претседателката на Собранието Брнабиќ против Европската Унија, исто така, нема да го подобрат угледот на Србија во Европа.“
“In Belgrade we have a problem,” warns 🇪🇺 Commissioner Marta #Kos after her meeting with 🇦🇹’s foreign minister in Vienna.
Kos warned that “when members of the European Parliament are called scum, it reveals a questionable understanding of democracy,” concluding that President… pic.twitter.com/uLMu4rjkje
— Adi Ćerimagić (@adicerimagic) September 8, 2025
Комесарката ги потсети властите во Белград на обврските што ги презедоа пред претседателката на Европската комисија, Урсула фон дер Лаен, и пред неа лично.
„Советот за српската влада е јасен – фокусирајте се на реформите што се ветени. Ова значи независно судство способно да се бори против корупцијата, слободни и независни медиуми и изборен закон што гарантира дека само волјата на граѓаните одлучува за мнозинството во парламентот“, кажа Кос.
Таа додаде дека граѓаните имаат право на протест, но дека насилството на улиците и актите на вандализам мора да престанат, со очекување дека полицијата ќе дејствува соодветно и со целосно почитување на основните права.
Вучиќ ги нарече членовите на Европскиот парламент кои присуствуваа на протестот во Нови Сад „олош“, тврдејќи дека тие се „најлошиот олош кој се собрал таму“.
Тој ги обвини за „брутално мешање во внатрешните работи на Србија“ и се закани дека сите оние кои, како што рече, „се обидуваат да ја уништат Србија однадвор“, ќе бидат гонети во согласност со законите.
