Кинеските вооружени сили изведоа вежби со оружје со долг дострел и прецизни напади врз симулирани цели на клучни пристаништа и енергетски објекти, изјави портпаролот на Источната команда на кинеската војска.
Маневрите се изведуваат во Тајванскиот теснец, клучен за глобалниот поморски транспорт.
Овие маневри експертите често ги опишуваат како проби на кинеската војска за потенцијално опкружување на Тајван.
Стејт департментот ја обвини Кина дека претставува „закана“ за регионалната безбедност, додека Белата куќа го повтори „американското противење на секој едностран обид со сила или принуда да се промени статус квото“.
Кина го смета Тајван за дел од својата територија што не успеа да го обедини со копнениот дел од крајот на кинеската граѓанска војна во 1949 година.
