„Роналд Реган против царините: Говорот од 1987 година добива нова важност во 2025 година“, напиша Мао на Икс.
Кинезите го споделија говорот на Реган во време кога глобалните пазари се во опаѓање, откако американскиот претседател Доналд Трамп најави царини. Во меѓувреме, Трамп ѝ се закани на Кина со дополнителни царини од дури 50 отсто доколку Пекинг не се откаже од царините од 34 отсто за американските производи.
Во радиообраќање на 25 април 1987 година, Реган остро ги осуди царините, предупредувајќи дека тие ќе доведат до колапс на пазарите, колапс на индустријата и губење на работни места за милиони Американци. Реган, кој живеел низ Големата депресија, предупредил дека Законот за царини Смут-Хејли, донесен во 1930 година, ја влошил тогаш растечката депресија и „го спречил економското закрепнување“.
„Има такви во овој Конгрес што ќе го ризикуваат просперитетот на Америка за да ѝ угодат на некоја интересна група, кои забораваат дека повеќе од 5 милиони американски работни места се директно поврзани со извозот, а дополнителни милион работни места се поврзани со увозот“, рекол тогаш Реган.
Ronald Reagan vs. Tariffs: 1987 speech finds new relevance in 2025 pic.twitter.com/pAOKkNpK3w
— Mao Ning 毛宁 (@SpoxCHN_MaoNing) April 7, 2025
Се чини дека Кинезите го споделија говорот на Реган како предупредување до Трамп.
Интересно е што Реган беше жесток антикомунист чија администрација им обезбедуваше тајна помош на антикомунистичките движења на отпорот низ Африка, Азија и Латинска Америка.
Реган исто така веруваше дека кинеската антикомунистичка влада, која побегнала во Тајван во 1949 година кога кинеската комунистичка партија ја презела власта, е легитимната кинеска влада. Сепак, Реган ја посети Кина во 1984 година и подоцна ја поздрави трансформацијата на Кина во поотворена и помалку изолирана земја.
