На сликата е познатата црвена капа „Да ја направиме Америка повторно голема“ (Make America Great Again), симбол на политичката кампања на Трамп, со натпис „Направено во Кина“ (Made in China). Цената на капата е симболично прецртана од 50 на 77 долари – алудирајќи на порастот на цените на увезената стока од Кина откако американскиот претседател воведе високи царини.
Најавата е јасна порака во трговската војна, со која Пекинг сака да нагласи дека најголемиот трошок за политиките на Трамп ќе го платат самите Американци, од сопствениот џеб.
Кинеските царини од 84 отсто за американските стоки стапија во сила вчера, а трговската војна меѓу двете велесили влегува во нова, неизвесна фаза.
