Актуелната блокада на поморскиот сообраќај во стратегиски важниот Ормуски теснец, помеѓу Индиски Океан и Персискиот залив, го загрозува снабдувањето со енергија на азискиот гигант, кој во голема мера зависи од сировата нафта од овој регион.
Службеници од Националната комисија за развој и реформи (НДРК), главното тело за економско планирање на Кина, се сретнале со претставници на рафинериите и „усно побарале привремено прекинување на испораките на нафтени производи, со непосреден ефект“, според Блумберг.
„Од рафинериите е побарано да престанат да потпишуваат нови договори и да преговараат за откажување на веќе договорените испораки“, објави агенцијата, повикувајќи се на извори блиски до тоа прашање.
ПетроКина, Синопек, ЦНООК, Синокем груп и приватната рафинерија Жеџијанг петрохемикал редовно добиваат квоти за извоз на гориво од владата, додава Блумберг.
