Семејството Баи е еден од неколкуте моќни кланови што се истакнаа во 2000-тите, трансформирајќи го осиромашениот и оддалечен град Лаукаинг во профитабилен центар за коцкање и кварт на црвените фенери. Во последниве години, тие се свртеа кон онлајн измами, создавајќи криминална мрежа вредна милијарди. Во нивните комплекси, илјадници работници жртви на трговија со луѓе, многу од нив Кинези, беа заробени, злоупотребени и принудени да измамуваат други.
❗💥🇨🇳 – Video footage of Chinese police receiving its citizens with name board on their neck.
On January 30, Myanmar police arrested six Chinese citizens Bai Suocheng, Bai Yingcang, Wei Huairen, Liu Zhengxiang, Liu Zhengmao and Xu Lao deported back to China,
Police in… pic.twitter.com/d4xDSDWPdF
— 🔥🗞The Informant (@theinformant_x) January 31, 2024
Властите открија дека семејството, кое исто така имало своја паравоена сила, поставило дури 41 комплекс за своите операции за сајбер измами и коцкање. Повеќе од 29 милијарди кинески јуани (околу 4,1 милијарди долари) поминале преку овие активности. Последиците беа трагични – нивните операции директно доведоа до смрт на шест кинески државјани, самоубиство на едно лице и многубројни сериозни повреди.
Шефот на мафијата Баи Суоченг и неговиот син Баи Јингчанг и нивните соработници Јанг Ликијанг, Ху Сјаојанг и Чен Гуангји беа осудени на смрт од страна на Средниот народен суд во Шенжен. Петмина беа осудени на доживотен затвор, додека уште девет добија затворски казни од три до 20 години. Баи Јингчанг беше дополнително осуден одделно за заговор за трговија и производство на 11 тони метамфетамин.
🇨🇳 On Nov 4, China’s Shenzhen court sentenced 5 members of the Bai family crime syndicate — including Bai Suocheng 白所成& Bai Yingcang白应苍 — to death.
The group ran telecom fraud, gambling, murder & drug operations from Kokang, Myanmar, amassing 29 billion yuan (≈ USD 4… pic.twitter.com/KUW9p2hjhK
— China Perspective (@China_Fact) November 4, 2025
Овие семејства, вклучувајќи го и кланот Баи, дојдоа на власт во 2000-тите со помош на Мин Аунг Хлаинг, кој сега ја води воената хунта во Мјанмар. Баи Јингчанг еднаш им изјави на државните медиуми дека неговото семејство е „апсолутно број еден“.
„Во тоа време, нашето семејство Баи беше најмоќно и во политичките и во воените кругови“, рече тој во документарец емитуван на кинеската државна телевизија во јули. Во истиот документарец, еден од работниците од нивните центри за измами го опиша ужасното злоставување што го претрпел: покрај тоа што бил претепуван, ноктите му биле извадени со клешти и два прста му биле отсечени со кујнски нож.
Пресвртницата се случи во 2023 година, кога Пекинг го зголеми притисокот врз хунтата во Мјанмар да ги запре операциите за измами. Кинеската полиција издаде налози за апсење на најистакнатите членови на семејството, а во почетокот на 2024 година, патријархот на кланот, Баи Суоченг, беше екстрадиран во Кина.
Строгите казни се дел од пошироката кинеска кампања за искоренување на мрежите за измами и испраќање јасно предупредување до другите криминални синдикати. Во септември, кинески суд осуди на смрт и 11 членови на семејството Минг, уште еден моќен клан од Лаукаинг.
„Зошто кинеската влада вложува толку многу напори за прогонување на овие четири семејства?“, прашува кинески истражител во документарецот, заклучувајќи: „Ова е предупредување до другите луѓе, без разлика кои сте, без разлика каде се наоѓате, сè додека извршувате такви гнасни злосторства против кинескиот народ, ќе ја платите цената“.
