„Република Косово ја поздравува одлуката на Република Кенија да го признае Косово како независна и суверена држава, преку одлуката која ја потпиша претседателот Руто и која официјално е испратена пред неколку дена“, наведе Османи на Фејсбук.
„Ова признавање е сведоштво за постојаната поддршка на народот на Косово на слободата, независноста, суверенитетот и територијалниот интегритет. Истовремено, тоа е признавање на долгото патење и стогодишната жртва на народот на Косово за слобода“, тврди Османи.
Таа во име на институциите и граѓаните на Косово му изрази благодарност на претседателот на Кенија Вилијам Руто на „праведната и важна одлука, како и на кениските институции и граѓаните кои го поддржаа овој дипломатски чекор“.
Оцени дека Косово продолжува да напредува на патот на интеграцијата и јакнењето на својата „меѓународна позиција“.
