Според информациите, земјотресот се случил во близина на брегот на крајниот југ на полуостровот Камчатка, пренесува Данас.
Хипоцентарот бил на длабочина од околу 40 километри. Ова е најсилниот во серијата земјотреси што следеа по 30 јули, кога овој регион беше погоден од еден од најсилните земјотреси во историјата – земјотрес со јачина од 8,8 степени според Рихтеровата скала.
🌋 A sleeping giant has awakened in Kamchatka — the first-ever recorded eruption of the Krasheninnikov volcano has begun
The volcano is erupting for the first time since scientists began monitoring it.
The Institute of Volcanology (FEB RAS) confirmed volcanic activity,… pic.twitter.com/8jD0fvFlrb
— NEXTA (@nexta_tv) August 3, 2025
По тој земјотрес, следеа стотици „потреси“, со јачина до 6,5 степени.
Земјотрес со интензитет од 6,5 степени според Меркалиевата скала се случи утрово во близина на Северокурилск во Сахалинската област, изјави за РИА Новости Елена Семјонова, раководител на сеизмолошката станица Јужно-Сахалинск.
„Земјотрес со магнитуда од 6,5 степени е регистриран во Тихиот Океан на 3 август во 16:37 часот по локално време (08:37 часот по московско време). Епицентарот се наоѓал на 124 километри источно од градот Северокурилск, на островот Парамушир, фокусот бил на длабочина од 19 километри“, изјави сеизмологот.
👀 WOW! WOW! FIRST RECORDED eruption!
Krasheninnikov volcano in Kamchatka, Russia has erupted! 🌋
Krasheninnikov volcano began its FIRST RECORDED eruption at 16:50 UTC on August 2, 2025. Initial explosions sent ash up to 3–4 km above sea level, later rising to 5–6 km. Ashfall… pic.twitter.com/HDR3fWyFJB
— Volcaholic 🌋 (@volcaholic1) August 2, 2025
Според соговорник на агенцијата, жителите на Северокурилск го почувствувале земјотресот со јачина од четири степени според Меркалиевата скала.
Министерството за вонредни состојби соопшти дека можни се бранови од цунами во три региони на Камчатка. „Очекуваните висини на брановите се ниски, но сепак треба да се оддалечите од брегот“, соопшти министерството во апликацијата Телеграм, по најновата сеизмичка активност во областа
Вулканот Крашењиников во Камчатка, исто така, еруптираше за прв пат по 450 години.
Вулканот, чиј врв е висок повеќе од 1.800 метри, исфрли столб од пепел во висина од 6.000 метри, пренесе локалната служба на Министерството за вонредни ситуации на Телеграм.
„Пепелта се шири кон исток, кон Тихиот Океан“, се вели во соопштението, во кое се додава дека населените области не се загрозени.
Полуостровот Камчатка, каде што се среќаваат Пацифичката и Северноамериканската тектонска плоча, има десетици вулкани и е една од сеизмички најактивните зони на планетата.
