„Овие напади покажуваат дека Путин само се потсмева со секаков вид мировни напори што се преземаат“, рече Калас пред дводневниот состанок на европските министри за одбрана и надворешни работи во Копенхаген.
„Она што треба да го направиме е да го зголемиме притисокот врз Русија“, додаде таа, нагласувајќи дека новите санкции за извоз на енергија и финансиски услуги „најмногу ќе ѝ наштетат“.
Putin is mocking any kind of peace efforts.
The only thing he understands is pressure.
This is what we have to do.My doorstep ahead of the informal meetings of EU Defence and Foreign Ministers ↓ pic.twitter.com/zU2vCoxkeD
— Kaja Kallas (@kajakallas) August 29, 2025
Покрај казнените мерки против Русија, Калас ги повика и членките на ЕУ да продолжат да го снабдуваат Киев со оружје. „На Украина ѝ е потребна целата воена поддршка што може да ја добие сега“, рече таа.
Министрите собрани во данската престолнина ќе разговараат и за безбедносните гаранции за Украина по завршувањето на борбите.
Европската Унија би можела да го поддржи Киев со тоа што ќе продолжи да ја обучува украинската војска и ќе ја зајакне одбранбената индустрија на земјата, со обврски од поединечни земји-членки, изјави највисокиот дипломат на Европската Унија.
Војната не завршува „ако погледнете што прави Путин“, оцени Калас.
