Извозот се намали за 0,5 проценти во споредба со истиот период минатата година поради воведувањето на царини од 25 проценти за извоз на возила и други производи, покажува официјалната статистика на Токио.
Американскиот претседател Доналд Трамп го одложи воведувањето на уште повисоки царини до 1 август со цел дотогаш да преговара со официјални лица, но сè уште не е потпишан договор.
Јапонскиот извоз опаѓа два последователни месеци, додека увозот се зголеми за 0,2 проценти во јуни, соопшти Министерството за финансии.
Трговскиот дефицит во мај изнесуваше околу 3,8 милијарди евра.
Извозот во САД се намали за 11 проценти во јуни, а извозот во Кина исто така се намали за околу пет проценти.
Јапонија и САД водат трговски разговори, Токио е клучен сојузник на Вашингтон, изјавија официјални лица.
Во преговорите, Трамп се фокусира на оризот, основна храна во Јапонија и сектор кој традиционално е заштитен од конкуренција во земјата.
Јапонија годишно увезува повеќе од 300.000 тони ориз од САД.
