Овој авион, официјално превозно средство за премиерот Бенјамин Нетанјаху и претседателот Исак Херцог за време на нивните меѓународни патувања, тргнал за Атина во петок наутро поради страв од можен ирански одмазднички напад, пишува Џерусалем пост.
Wing of Zion, Israel’s version of Air Force One, took off from Ben-Gurion Airport on Friday morning just before IDF spokesperson Brig.-Gen. Effie Defrin announced that Iran launched over 100 attack drones.https://t.co/ThnG9oZN4u
— The Jerusalem Post (@Jerusalem_Post) June 13, 2025
Авионот претходно бил префрлен и од воздухопловната база Неватим, која се наоѓа на север од пустината Негев, за време на иранскиот напад врз Израел во април 2024 година. Набрзо откако израелскиот државнички авион се упатил кон Грција, портпаролот на Израелските одбранбени сили (ИДФ), бригадниот генерал Ефи Дефрин, изјави дека Иран лансирал повеќе од 100 дронови кон Израел.
ИДФ официјално не потврди дека сите дронови се соборени, а можно е да биле лансирани и повеќе, но во моментов се соборени доволен број за привремено да се олеснат упатствата за однесување на граѓаните на Израел. Овие упатства би можеле повторно да се заострат во одреден момент ако и кога Иран ќе почне нов голем напад.
