„Ракета лансирана од Јемен беше пресретната од израелските воздухопловни сили“, се вели во соопштението, откако се огласија сирените во Ерусалим и централен Израел.
Војската соопшти дека пред четири дена пресретнала и ракета истрелана од Јемен.
Јеменските бунтовници Хути од своја страна изјавија дека спровеле „воена операција“ насочена кон аеродромот Бен Гурион, користејќи хиперсонична балистичка ракета „палестина 2“.
Јеменските бунтовници Хути, поддржани од Иран, извршија десетици ракетни и беспилотни напади врз Израел од почетокот на војната во Газа на 7 октомври 2023 година, тврдејќи дека дејствуваат во знак на солидарност со Палестинците.
Тие, исто така, ги напаѓаат бродовите за кои веруваат дека се поврзани со Израел покрај брегот на Јемен, потоа и американски бродови, пред да постигнат договор за прекин на огнот со Вашингтон на почетокот на мај за да се стави крај на американските напади врз Јемен.
