„Израелски воени авиони бомбардираа куќа во областа Хада јужно од Сана, при што загинаа четири лица, меѓу кои премиерот Ахмед Галеб ел Рахави и неколку негови соработници. Други високи функционери се ранети“, рече тој во изјава за РИА Новости.
Како што истакна изворот на агенцијата, групата Ансар Алах во моментов се подготвува официјално да ја објави смртта на својот премиер.
Јеменскиот телевизиски канал „Ал Џумхурија“ пренесе дека премиерот на бунтовниците Хути, поддржани од Иран, Ахмед ел Рахави, бил убиен во својот стан во Сана за време на израелските напади вчера.
