Во соопштението, тој наведе дека целта на проширената операција е „да се уништи и исчисти областа од терористи и терористичка инфраструктура“. Тој додаде дека окупираните области ќе бидат „вклучени во израелските безбедносни зони“.
Тој исто така рече дека тоа ќе бара масовна евакуација на Палестинците и го повика населението да го елиминира Хамас и да ги врати израелските заложници. Тоа, рече тој, е единствениот начин да се стави крај на војната.
Според извештаите, израелските копнени сили во текот на ноќта започнале операција во градот Рафа.
Изјавата на Галант доаѓа една недела откако тој објави дека војската наскоро ќе оперира „со полна сила“ во дополнителни делови на Газа.
Израел ја обнови својата офанзива врз Газа на 18 март, обвинувајќи го Хамас дека го отфрлил новиот американски предлог за продолжување на примирјето и ослободување на преостанатите 59 заложници кои сè уште се наоѓаат во Газа.
Од друга страна, Хамас го обвини Израел дека го прекршил првичниот договор постигнат во јануари.
Хуманитарната ситуација во Газа драматично се влоши во последните неколку недели, а Израел не дозволува хуманитарна помош да влезе во Појасот Газа од 2 март – најдолгата блокада за помош од почетокот на војната.
ОН минатиот месец објавија дека ги намалуваат своите операции во Газа, еден ден откако израелските сили убија осум палестински медицински лица, шест членови на Цивилната заштита и еден службеник на ОН во јужниот дел на појасот.
Израелската војска започна кампања за уништување на Хамас по нападот без преседан на 7 октомври 2023 година, во кој беа убиени околу 1.200 луѓе, а 251 лице беа земени како заложници.
Министерството за здравство под управа на Хамас тврди дека оттогаш во Газа се убиени повеќе од 50.399 лица.
