Ватикан не одговори веднаш на барањето за коментар. Израелските одбранбени сили соопштија дека го истражуваат инцидентот. Италијанската новинска агенција АНСА пренесе дека шест лица се тешко повредени, додека свештеникот Габриеле Романели, кој редовно го информираше починатиот папа Франциско за израелско-палестинскиот конфликт, се здоби со полесни повреди на ногата.
„Израелските напади врз Газа ја погодија и Црквата на Светото семејство“, изјави италијанската премиерка Џорџа Мелони во соопштение. „Нападите врз цивилното население што Израел ги извршува со месеци се неприфатливи. Ниту една воена акција не може да го оправда таквиот став“, додаде таа.
I raid israeliani su Gaza colpiscono anche la chiesa della Sacra Famiglia. Sono inaccettabili gli attacchi contro la popolazione civile che Israele sta portando avanti da mesi. Nessuna azione militare può giustificare un tale atteggiamento.
— Giorgia Meloni (@GiorgiaMeloni) July 17, 2025
Ерусалимската латинска патријаршија соопшти дека римокатоличката парохија во Појасот Газа била оштетена во воен напад, при што биле повредени неколку лица. Патријаршијата додаде дека „во моментов нема познати смртни случаи“.
