„Израелски борбени авиони извршија серија напади врз пристаништето Ходеида, се слушнаа пет силни експлозии“, изјавил извор на руската новинска агенција РИА новости. Според информациите пренесени од агенцијата, во пристаништето избувнал голем пожар.
На социјалните мрежи се појавија снимки од нападите.
— Video X (@videoxtr) September 16, 2025
Израелската војска ги потврди нападите, наведувајќи дека тие биле извршени како одговор на ракетен напад од движењето Ансар Алах (Хути). Минатата недела, израелските сили го бомбардираа јеменскиот главен град Сана и северозападната покраина Ал-Џаф.
Хутите, кои контролираат поголем дел од брегот на Јемен на Црвено Море, по операциите на Израел во Газа почнаа да напаѓаат бродови упатени кон Тел Авив. Како резултат на тоа, сообраќајот низ Суецкиот канал е драстично намален. Движењето, исто така, ја напаѓа израелската територија со ракети и беспилотни летала, оправдувајќи ги своите постапки со поддршка на Палестинците.
Денес, независната меѓународна комисија на ОН за истрага на настаните на окупираната палестинска територија ги прогласи дејствијата на Израел во Газа за геноцид. Според специјалната известувачка на ОН за Палестина, Франческа Албанезе, бројот на цивилните жртви во Газа би можел да достигне 680 илјади.
Израел редовно одговара со ракетни напади врз Јемен. Во нападите на израелската армија, покрај воените цели, се оштетени и цивилни објекти.
