Новиот член 577 предвидува дека секој што ќе убие жена од омраза, дискриминација, контрола или затоа што е жена ќе биде казнет со доживотен затвор, пренесува Раи Уно.
Во предлог-законот се наведува дека фемицидот се смета за извршен и кога мотивот е одбивањето на жената да започне или да продолжи со емотивна врска и обид за ограничување на нејзините лични слободи.
Законот предвидува укинување на рокот од 45 дена за прислушување во случаи на најтешки форми на насилство врз жените, што, како што е наведено во образложението на предложениот закон, ќе ја олесни работата на судските органи во истрагата и докажувањето на овие кривични дела.
Предлог-законот мора да биде одобрен од Долниот дом на италијанскиот парламент, по што треба да биде потпишан од претседателот на Републиката.
