МКС во март 2023 издаде налог за апсење на Путин и руската комесарка за права на децата Марија Лвова Белова, обвинувајќи ги за „противправна депортација“ на деца од „окупираните области на Украина“.
Една година подоцна МКС издаде дополнителни налози за високи руски воени команданти, вклучувајќи го поранешниот министер за одбрана Сергеј Шојгу и генералот Валериј Герасимов, обвинувајќи ги за напад на цивилната инфраструктура во Украина.
Москва, која не ја признава надлежноста на судот, ги отфрли обвиненијата и ги прогласи налозите за неважечки.
Иако Рим се обврза дека ќе се придржува до одлуките на МКС, налозите за руските функционери „во овој момент всушност не се на сила во Италија“, објави Ла Република.
Објаснето е дека министерството за правда никогаш не испратило налог до Апелацискиот суд во Рим и дека документацијата потребна за апсење никогаш не е примена.
Кориере дела сера исто така го потврди пишувањето на другите медиуми, а весникот наведува дека пропустот на судот да го потпише налогот „го направил парче хартија без ефект“.
Одлуката да не се поднесе документацијата за спроведување на налогот веројатно не била превид или случајност, пишува Ла Република, сугерирајќи дека тоа било „политички избор“. Кориере дела сера го заклучува истото, напоменувајќи дека потерниците по руските команданти исто така не се обработени, што ги прави неважечки.
