Договорот е најзначајниот билатерален пакт меѓу двете земји од 1945 година, според порталот Политико.
Договорот, кој Блумберг го опиша како дел од пошироко ресетирање на односите, ја одразува растечката загриженост низ Европа за руската воена агресија и сомнежите за посветеноста на САД кон НАТО под водство на американскиот претседател Доналд Трамп.
UK Prime Minister Keir Starmer and German Chancellor Friedrich Merz signed a new treaty that includes a commitment for the two nations to assist each other in case of armed attack https://t.co/VJz9ycVpgC
— Bloomberg (@business) July 17, 2025
Иако договорот ги зајакнува постојните обврски кон НАТО, претставници на двете влади нагласија дека тој не е замена за принципот на алијансата за колективна одбрана според Член 5.
Договорот, кој беше потпишан за време на церемонија во лондонскиот музеј, се базира на темелите поставени од претходникот на Стармер и Олаф Шолц за време на состанокот во Берлин во 2023 година.
Handschlag in London. 🇩🇪🇬🇧 Deutsch-britischer Freundschaftsvertrag. #Merz #Starmer @Tagesspiegel pic.twitter.com/5qQDGP1Reo
— Daniel Sturm (@SturmDaniel) July 17, 2025
Тоа означува продлабочување на односите по Брегзит и растечко стратешко усогласување меѓу Лондон и Берлин.
Таа, исто така, вклучува и клаузула за взаемна помош која, „во светло на руската агресивна воена кампања против Украина, е од големо значење“.
Велика Британија и Германија ветија дека „заеднички ќе водат извозни кампањи за да ги поттикнат нарачките од други земји за опрема што заеднички ја произведуваат, како што се борбениот авион „Тајфун Јурофајтер“ и оклопното возило „Боксер“.
Една од клучните компоненти на договорот е заедничкото ветување за испорака на нов ракетен систем со долг дострел, „Длабоко прецизен удар“, во следната деценија.
Системот, со дострел од повеќе од 2.000 километри, се очекува да поттикне големи индустриски инвестиции во европските одбранбени сектори.
Иако нуклеарното оружје не е експлицитно споменато во текстот, договорот има особено значење за Германија, која нема свој нуклеарен арсенал и се потпира на одвраќачкиот чадор на САД и двете европски нуклеарни сили, Велика Британија и Франција.
Договорот, исто така, се занимава со пошироките последици од Брегзит, вклучувајќи ги и договорите за трговија, транспорт и илегална миграција.
Германија ќе донесе закон до крајот на годината со кој ќе се забрани олеснувањето на нелегалната миграција во Велика Британија, се вели во соопштението од канцеларијата на Стармер.
