Фростадотир го објави ова на заедничка прес-конференција со претседателката на Европската комисија, Урсула фон дер Лаен, во Кефлавик. Исландската премиерка нагласи дека се надева дека ќе ги заврши преговорите до крајот на годинава.
„Нам ни е многу важно да покажеме дека можеме да соработуваме кога станува збор за критичната инфраструктура, цивилната заштита, сите видови инвестиции во одбраната (во технологии) со двојна употреба, а тоа вклучува и хибридни и сајбер закани“, рече таа.
„Ви благодарам, Криструн Фростадотир, за оваа незаборавна посета на Исланд. Како земја со уникатна геостратегиска положба, Исланд има пристап за пример кон безбедноста и планирањето на иднината. Вака изгледа подготвеноста во акција“, напиша Фон дер Лаен на Икс.
„Европа може многу да научи од Исланд“, додаде таа.
Thank you @KristrunFrosta for this memorable visit to Iceland.
As a country with a unique geostrategic position, Iceland has an exemplary approach to security and foresight.
This is how preparedness in action looks like.
Europe has much to learn from Iceland. pic.twitter.com/GNeohlxEih
— Ursula von der Leyen (@vonderleyen) July 17, 2025
Исланд е дел од Шенген-зоната како една од четирите земји што не се членки на ЕУ, а е и една од земјите основачи на НАТО во 1949 година.
