Пезешкијан го изјави ова пред самитот планиран во Доха како одговор на израелскиот напад од минатата недела врз претставници на палестинското движење Хамас во главниот град на Катар.
„Можно е муслиманските земји да ги прекинат врските со овој фиктивен (израелски) режим и да го зачуваат своето единство и кохезија колку што е можно повеќе“, кажа Пезешкијан пред да замине за Катар.
Претседателот на Иран изрази надеж дека на самитот ќе биде донесена одлука за мерките што треба да се преземат против Израел.
